қуаты, ал мәдениет пен өнер – өмірдің азығы. Осыған орай

 бүгін мектебізде «Ақындық өнер – ел ардағы, талант 

өлшемі» деген тақырыпта арнайы кездесу кеші 

ұйымдастырылды. Кешіміздің құрметті қонағы –

 жыр жолдарынан өрнек өрген, сөз маржандарын 

тере білген, тіл құдіреті мен сөз қадірін бүгінгі жастарға

 мирас ету жолында үздіксіз,тынымсыз еңбек етіп 

келе жатқан дарынды тұлғаларымыздың бірі және 

бірегейі – Жамбыл облысы, Байзақ ауданы, Шахан 

ауылының тұрғыны, жазушылар одағының мүшесі, 

«Ерен еңбегі үшін» медалінің иегері, Қ.Р. Мәдениет 

саласының үздігі, қарымды қаламгер, ақын – сазгер 

Қасқырбай  Нарбатыр Дәрібайұлы!

Құрметті Қасқырбай мырзамен Сұхбат алаңында жырларынан туындаған өткір ойлар мен ізгі тілектерден еркін пікіралмасу өтілді. Ақынның өзі өлеңдерінен үзінділер оқып, оқушылардың да орындауларында өлең шумақтары тыңдалды. Оқырмандар поэзия әлемінен тереңінен сусындап, үлкен қызығушылық танытты. 

Ашықтық, адалдық, креативтілік тұрғысында қоғамға мүлтіксіз қызмет ететін адами капиталды қалыптастырудың бір бағыты - қызметкерлердің еңбек нәтижелілігін бағалау.  Осы бағытта кәсіби және тұлғалық дамуды ынталандыру мақсатында мектеп мұғалімдері мен кіші қызметкерлердің өз қызметінде жетістіктері, қоғамдық жұмысқа ат салысқаны және көп жылдық адал еңбектері бағаланып, материалдық   сыйақымен марапатталды. Мектеп қызметкерлері «Үздік сынып жетекші», «Үздік мұғалім», «Үздік кіші қызметкер», «Үздік бірлестік жетекші», «Үздік жас маман», «Үздік психолог», «Қоғамдық белсенді», «Үздік ұымдастырушы», «Үздік кітапханашы» номинациясы бойынша марапатталды. Әріптестерді марапаттарымен құттықтаймыз. Алар белестеріңіз көп болсын.

Қазіргі таңда білім алушылардың дарындылығын арттыру мақсатында көптеген іс-шаралар жүргізілуде.  Солардың ішінде пәндік олимпиаданың алар  орны айырықша. Пән олимпиадасын ұйымдастыру арқылы мектеп оқушыларының қажеттілігі, қызығушылығы мен қалауына сәйкес ғылымға жетелеу арқылы тұлғаның интеллектуалдық потенциалын көтеру мүмкіндігі туады.

Мектептің жылдық жоспарына сәйкес қазан айының 22-30 күндер аралығында мектепішілік пән олмпиадасы өтті. Мектепішілік пән олимпиадасы пандемияға байланысты қашықтықтан өткізілді. 

Пән олимпиадасы 3-11 сынып оқушыларын қамтып, үш бағытта жүргізілді: бастауыш сынып; жаратылыстану-математика бағыты (математика, физика, информатика, химия, биология, география пәндері);  гуманитарлық бағыт (қазақ тілі мен әдебиеті қазақ және орыс сыныптарында, орыс тілі мен әдебиеті орыс және қазақ сыныбында, тарих пәндер)  

Жалпы мектепішілік пән олимпиадасына 255 оқушы қатысты. Оның 130 оқушы жүлделі орыға иеленді. Жүлделі І орын алған 30 оқушы қалалық пән олимпиадасына жолдама алды.